Eftirfarandi verklagsreglur fyrir mynddiska/myndbönd voru samdar af mynddiska/myndbandasviðinu til þess að kveða nánar á um eftirlit með þeim almennu reglum sem almennu samþykktirnar innihalda auk framkvæmdar þeirra.
Samþykkt af aðalstjórn SMÁÍS 1. júlí 2006.

SKILGREININGAR
Eftirfarandi skilgreiningar eiga við í þessum reglum:

Almennar samþykktir
Samþykktir eins og vísað er til þeirra í félagslögunum.

Hljóð- og myndefni
Kvikmyndir (afritaðar á myndmiðlunarbúnað), dagskrárþættir og vörur sem eru myndskeið úr fyrrgreindu efni, til dæmis sýnishorn, auglýsingar og kynningarefni.

Bókasafn
Stofnun sem gefur aðgang að bókum sínum almenningi til láns eða uppflettinga.

Kassi
Safn mynddiska eða myndbanda í sameiginlegum umbúðum.

Flokkun
Árangur flokkunar þar sem efnið er flokkað fyrir ákveðna aldurshópa og, ef við á, í eina eða fleiri efnisflokkanir þar sem skilgreint er það innihald hljóð- og myndefnisins sem gæti reynst skaðlegt.

Flokkunareyðublað
Röð spurninga um innihald hljóð- og myndefnisins.

Flokkunarlykill
Niðurstöður eftir að flokkunareyðublaðið hefur verið fyllt út. Á þeim grundvelli er efnið svo flokkað með tilliti til aldurshópa.

Flokkunarkerfi
Flokkunareyðublaðið og flokkunarlykillinn í sameiningu.

Flokkun
Það að beita flokkunarkerfinu á hljóð- og myndefni.

Auglýsing
Hljóð- og myndræn auglýsingaskilaboð þar sem hljóð- og myndefni er auglýst.

Smásali
Sá sem á eða rekur myndbandaleigu eða verslun.

Kvikmyndir á mynddiskum/myndböndum
Kvikmyndir sem vistaðar eru á sjónmiðlum.

Dreifingaraðili mynddiska/myndbanda
Lögpersóna eða einstaklingur sem falið er að annast dreifingu á mynddiskum eða myndböndum með útgáfu þeirra fyrir augum.

Kvikmynd
Verk sem byggt er upp af samhangandi röð upptekinna kvikmyndaskeiða.

Aðalvaran
Hljóð- og myndefni sem sýnishorn, auglýsing eða kynningarefni hefur verið unnið upp úr.

Innihaldsflokkun
Sá flokkur sem varan lendir í að aflokinni flokkun á hljóð- og myndefni, þar sem tilgreind er sú skaðsemi sem ungu fólki gæti mögulega stafað af innihaldinu og gefin er til kynna með ákveðnu tákni í fastri röð sem hér segir: – ,ofbeldi' (táknmynd: hnefi), ,ótti’ (táknmynd: könguló), ,kynlíf’ (táknmynd: karl og konu merki), ,gróft orðbragð’ (táknmynd: talmerki með @, * og ! stöfum), ,mismunun' (táknmynd: hópur fólks og einn með öðrum lit) og ,misnotkun vímuefna og/eða áfengis’ (táknmynd: sprauta).

Kápa
Kápan utan um mynddisk eða myndband.

Kvikmyndaskoðun
Nafn flokkunarkerfisins með viðeigandi táknmyndum frá PEGI sem notaðar eru til að gefa upplýsingar um möguleg skaðleg áhrif hljóð- og myndefnis á ungt fólk.

Forstrimill
Myndbútur fremst sem inniheldur aldursflokkun myndarinnar.

Aldursflokkun
Aldursflokkun að aflokinni flokkun á hljóð- og myndefni, þar sem tilgreind er sú skaðsemi sem ungu fólki gæti mögulega stafað af innihaldinu og gefin er til kynna með aldurstáknmynd sem hér segir: ,ekki skaðleg/leyfð öllum aldurshópum' (táknmynd: L), ,ekki mælt með fyrir börn undir 7 ára aldri’ (táknmynd: 7), ,ekki mælt með fyrir börn undir 12 ára aldri’ (táknmynd: 12) , ekki mælt með fyrir börn undir 14 ára aldri’ (táknmynd: 14), ekki mælt með fyrir börn undir 16 ára aldri’ (táknmynd: 16) og ,ekki mælt með fyrir börn undir 18 ára aldri’ (táknmynd: 18).

SMÁÍS
Samtök Myndrétthafa á Íslandi

Útgáfa
Opinber útgáfa, þar með talin dreifing hljóð- og myndefnis í víðtækustu merkingu þess orðs (12. grein í lögum um höfundarrétt).

Táknmynd
Kvikmyndaskoðun og PEGI lógóin sem sýnir flokkun á grundvelli aldurs og samþykkis.

Sýnishorn
Frumkynning (vistuð á sjónrænan miðil) á kvikmynd á mynddiski, myndbandi eða í kvikmyndahúsi.

Myndbandaleiga
Viðskiptafyrirtæki sem hefur mestan hluta tekna sinna af (rafrænni/eðlisrænni) leigu kvikmynda á mynddiskum og myndböndum.

MYNDDISKAR/MYNDBÖND
1. grein
Allir mynddiskar/myndbönd, meðfylgjandi sýnishorn og auglýsingar, sem leigð eru út, lánuð eða seld með útgáfu efnisins fyrir augum, sýnd eða send út á Íslandi verða að uppfylla skilyrði þessara verklagsreglna.

ÁBYRGÐ OG SKYLDUR DREIFENDA MYNDDISKA/MYNDBANDA

FORM OG INNIHALD
2. grein
Dreifandi mynddiska/myndbanda ber ábyrgð á bæði formi og innihaldi mynddiska sinna, myndbanda, sýnishorna og auglýsinga.

AÐ NOTA KVIKMYNDASKOÐUN FORSTRIMIL Á KVIKMYNDIR Á MYNDDISKUM/MYNDBÖNDUM
3. grein
Dreifandi mynddiska/myndbanda sér til þess að Kvikmyndaskoðun forstrimillinn sé alltaf hafður fremst í kvikmynd sem dreift er á mynddiskum/myndböndum hans og að þar sé einnig að finna aldursflokkun myndarinnar.

AÐ NOTA TÁKNMYNDIR Á KÁPU/KASSA
4. grein
Dreifandi mynddiska/myndbanda sér til þess að táknmyndirnar séu sýndar á kápum mynddiska og myndbandskvikmynda á þann hátt sem lýst er hér að neðan, þar sem aldursflokkun kassans er skilgreind á grundvelli þess mynddisks/myndbands sem fær hæsta aldursflokkun í kassanum:

Framhlið kápu/kassa:
 hvað: táknmynd aldurs
 hvar: neðst til vinstri
 stærð: 17 mm há, Mini 50 punkta letur (sjá Kvikmyndaskoðun leturgerð)

Bakhlið kápu/kassa:
 hvað: táknmynd aldurs og innihalds, ekki fleiri en fjórar táknmyndir alls
 hvar: Neðst til hægri
 stærð: táknmynd aldurs, 13.5 mm há, Regular 40 punkta letur
táknmynd(ir) innihalds, Mini 40 punkta letur (sjá PEGI leturgerð)

SÝNISHORN
5. grein
5.1 Flokka þarf sýnishornið sjálfstætt.
5.2 Aldursflokkun sýnishorns má ekki vera hærri en aldursflokkun myndarinnar sem á eftir fer.
5.3 Dreifandi mynddiska/myndbanda sér til þess að flokkun sýnishornsins sé kynnt fyrirtækinu sem gefur sýnishornið út.

AUGLÝSINGAR
6. grein
6.1 Flokka þarf auglýsinguna sjálfstætt.
6.2 Dreifandi mynddiska/myndbanda sér til þess að flokkun auglýsingarinnar sé kynnt fyrirtækinu sem gefur sýnishornið út.
6.3 Í auglýsingunni á flokkun aðalmyndarinnar alltaf að koma fram.
6.4 Dreifandi mynddiska/myndbanda sér til þess að táknmyndirnar séu sýndar í auglýsingunni á þann hátt sem lýst er hér að neðan:  Fjöldi sekúndna: 3
 stærð: sama stærð og lógó stöðvar
 hvar: helst efst til hægri
 hvenær: engar leiðbeiningar

SAFN SÝNISHORNA AF MYNDEFNI
7. grein
Flokka skal hljóð- og myndefni með mörgum sýnishornum úr kvikmyndum sem eina heild.

ÞÁTTA/MYNDARAÐIR
8. grein
8.1 Þrátt fyrir það sem fram kemur í 1. grein, 1. lið, almennra samþykkta má dreifandi mynddiska/myndbanda flokka röð mynddiska/myndbanda á grundvelli sýnishorns.
8.2 Aldursflokkun á þáttaröð mynddiska/myndbanda er skilgreind á grundvelli sýnishorns þáttar eða þátta sem fékk hæsta flokkun.
8.3 Innihaldsflokkun á þáttaröð mynddiska/myndbanda er skilgreind á grundvelli sýnishorns þáttar eða þátta sem fékk hæsta aldursflokkun
8.4 Fjöldi sýnishorna af þáttum er háð lengd þáttaraðarinnar. Meginreglan um fjölda sýnishorna er sem hér segir:
Lengd þáttaraðar Fjöldi sýnishorna Hvaða þættir eru sýnishorn
2 til 6 þættir 2 þættir nr. 1 og 2
7 til 13 þættir 3 þættir nr. 1, 2 og 3
14 til 19 þættir 4 þættir nr. 1, 2, 3 og 4
20 til 25 þættir 5 þættir nr. 1, 2, 3, 4 og 5
26 til 30 þættir 6 þættir nr. 1, 2, 3, 4, 5 og 6
Séu fleiri en 30 þættir sýndir á hverju ári eru fyrstu sex þættir af fyrstu 30 (í sömu númeraröð og fram kom hér að ofan) teknir sem sýnishorn og eftir það 2 þættir af hverjum 30, það er fyrstu tveir þættirnir af næstu 30 þáttum. Ekki þarf að flokka fleiri en 10 mynddiska/myndbönd úr hverri þáttaröð hvert ár.

ÁBYRGÐ OG SKYLDUR SMÁSALA/BÓKASAFNS

LEIÐBEININGAR FYRIR STARFSFÓLK Í MYNDBANDALEIGU/BÓKASAFNI
9. grein
9.1 Smásali/bókasafn sér til þess að starfsfólkið þekki til Kvikmyndaskoðun.
9.2 Smásali/bókasafn þarf að hafa nægilega vitneskju um Kvikmyndaskoðun, eins og lýst er af SMÁÍS svo hægt sé að miðla henni til viðskiptavina myndbandaleigu/verslunar/bókasafns eins og farið er fram á.

VIÐBÆTUR VIÐ VERKLAGSREGLURNAR
10. grein
10.1 Hægt er að senda skriflegar tillögur til stjórnarinnar um breytingar á verklagsreglum þessum. Stjórnin ákveður hvort hún samþykkir breytingarnar innan þriggja mánaða frá því að tillagan var lögð fram.
10.2 Verklagsreglur þessar mega hvorki vera andsnúnar lögum, félagslögum né almennu samþykktunum.

Eftirfarandi verklagsreglur fyrir kvartanir voru samdar til þess að kveða nánar á um umboð kvartananefndar og áfrýjunarnefndar og meðferð kvartana og áfrýjana.
Samþykkt af aðalstjórn SMÁÍS 01. júlí 2006.

KVARTANIR
1. grein
1.1 Hver sá sem álítur að brotið hafi verið gegn einni eða fleiri greinum félagslaga og/eða verklagsreglna getur lagt fram kvörtun gegn fyrirtæki í samtökunum.
1.2 Gerist það að lögð sé fram kvörtun gegn fyrirtæki sem ekki er í samtökunum, tekur SMÁÍS ekki kvörtunina til meðferðar. Kæranda verður tilkynnt það skriflega og viðkomandi vísað til viðeignandi aðila, sé þess nokkur kostur.
1.3 Sé kæru stefnt gegn sjónvarpsstöð sem ekki á aðild að samtökunum tilkynnir SMÁÍS um málið til Barnaverndarstofu.
1.4 Kvartanir verða að berast SMÁÍS skriflega (með því að nýta sér kvartanaeyðublöð á vefsetrinu, með netpósti, bréfi eða símbréfi) og studdar rökum.
1.5 Sé um það að ræða að kæra sér ófullkomin og/eða ekki nægjanlega vel rökstudd getur stofnunin farið fram á það kærandi leggi fram viðbótargögn. Stofnunin getur verið viðkomandi innan handar við það.
1.6 Kærandi getur dregið kvörtun sína til baka hvenær sem er fram að dómfundi eða á meðan á honum stendur.

FRESTUR TIL AÐ LEGGJA FRAM KVÖRTUN
2. grein
Kæran verður að hafa borist samtökunum innan tveggja vikna frá þeirri stund að kærandi fékk - meint - brot staðfest, eða frá þeim viðbrögðum eða skorti á viðbrögðum sem leiddu til kvörtunarinnar.

KVARTANIR SEM STOFNUNIN LEYSIR ÚR
3. grein
3.1 SMÁÍS samtökin hafa umboð til þess að leysa sjálf úr kæruefnum sem hægt er að leysa úr.
3.2 Kærandi heldur þó þeim rétti sínum að fara fram á að stofnunin rannsaki kæruna frekar og/eða leggja hana fyrir kærunefndina, sé viðkomandi ósátt(ur) við þau viðbrögð sem kvörtunin fékk.

SAMHLJÓÐA KÆRUR
4. grein
4.1 Hafi fleiri en ein samhljóða kvörtun borist í tengslum við ákveðið hljóð- og myndefni getur formaður kærunefndar ákveðið að aðeins ein þessara kvartana verði tekin til meðferðar af Kærunefnd. Þeim kæranda eða kærendum sem lagði/lögðu fram samhljóða kvartanir verður tilkynnt um þetta. Niðurstöður málsins sem til meðferðar var, verða sendar í staðfestingarskyni - (að hluta til) nafnlausar, ef við á - til þess eða þeirra kærenda sem lögðu fram samhljóða kæru.
4.2 Kærendur sem lögðu fram samhljóða kæru geta áfrýjað skriflega til formanns kærunefndar þeirri ákvörðun að fjalla ekki um kvörtun viðkomandi innan tveggja vikna frá því að ákvörðunin var tekin.

UNNIÐ ÚR KÆRUM
5. grein
5.1 Sé formaður kærunefndar þeirrar skoðunar að kærunefndin geti tekið kæruna fyrir, fer viðkomandi fram á að stofnunin tilkynni kæranda og varnaraðila um það þannig að sá síðarnefndi fái sent afrit kvörtunar þeirra sem kærandinn lagði fram.
5.2 Varnaraðili fær þrjár vikur frá þeirri dagsetningu til skilgreind er í 1. grein til þess að leggja fram skriflega vörn sína hjá ritara kærunefndarinnar en ekki er til neitt staðlað eyðublað þar að lútandi. Ritari kærunefndar getur, að fenginni rökstuddri beiðni varnaraðila, lengt þetta þriggja vikna tímabil um þrjár vikur að hámarki. Ef ritarinn tekur þá ákvörðun að lengja tímabilið og gætir þar allrar sanngirni, fær kærandi um það skriflegar og rökstuddar upplýsingar. Ritari skal senda kæranda eintak af yfirlýsingu varnaraðila eins fljótt og auðið er.
5.3 Ef ritari kærunefndar fer þess á leit skal varnaraðili láta fylgja með varnarskjali sínu fimm (textuð) eintök og ágrip af því hljóð- og myndefni sem mótmælt er, sé þess nokkur kostur. Sé ekki hægt að útvega þessi eintök getur formaður kærunefndar veitt varnaraðila leyfi til þess að sýna efnið, ef við á í samræmi við nánari skilyrði sem formaðurinn setur.

ÁKVARÐANIR FORMANNS
6. grein
6.1 Formaðurinn getur hafnað kvörtun sem greinilega er ekki hæf til meðferðar eða sem greinilega er órökstudd. Kærandi og varnaraðili/aðilar fá þá skriflegar upplýsingar frá SMÁÍS samtökunum fyrir hönd formanns kærunefndar um ákvörðunina sem ekki er hægt að áfrýja.
6.2 Formaður kærunefndar getur, að fengnu samþykki allra málsaðila, gefið út ákvörðun í kærumáli án þess að ráðfæra sig við aðra kærunefndarmenn eða að taka kæruna fyrir á dómfundi. 12. grein verklagsreglna þessara gildir einnig á sama hátt.

FLÝTIMEÐFERÐ
7. grein
Leggi annar málsaðila fram rökstudda beiðni eða ef stofnunin tekur ákvörðun þar að lútandi getur formaður kærunefndar ákveðið að stytta það tímabil sem tilgreint er í 5. grein, lið 2, niður í allt að þrjá virka daga þegar mikið liggur við. Hinn málsaðilinn/aðrir málsaðilar fá skriflega og rökstudda tilkynningu um þessa ákvörðun. Við þannig aðstæður ákveður formaður dagsetningu, stund og stað fyrir dómfund um leið og styttri frestur er samþykktur.

KVARTANIR YFIR FLOKKUN
8. grein
Sé um að ræða ,frumflokkun' í skilningi 4. greinar almennra samþykkta fær fyrirtækið í samtökunum, sem á sínum tíma sá um hina umdeildu flokkun, einnig skriflegar upplýsingar um kvörtunina. Farið verður þess á leit að það gefi skriflegar upplýsingar um það innan þriggja vikna frá því bréfi hvernig upprunalega flokkunin átti sér stað. Litið verður á það fyrirtæki í samtökunum sem varnaraðila í málsmeðferðinni.

UNDIRBÚNINGUR DÓMFUNDAR
9. grein
9.1 Formaður kærunefndar ákveður dagsetningu og stund sem kvörtunin verður tekin til meðferðar á dómfundi og stofnunin býður málsaðilum skriflega að vera viðstaddir dómfundinn.
9.2 Kæranda er heimilt að bregðast við vörn varnaraðila, þó eigi síðar en viku fyrir væntanlegan dómfund.
9.3 Formanni kærunefndar er heimilt að biðja um upplýsingar frá málsaðilum áður en dómfundur er haldinn
9.4 Sé um flýtimeðferð að ræða, eins og lýst er í 7. grein, gilda engin frekari tímabil.

DÓMFUNDUR
10. grein
10.1 Formaður kærunefndar skal gefa málsaðilum tækifæri til þess að leggja fram frekari rökstuðning fyrir máli sínu á dómfundi.
10.2 Málsaðilar hafa rétt til þess að hafa lögfræðilegan fulltrúa sinn á dómfundi.
10.3 Dómfundur skal vera opinn nema Formaður kærunefndar ákveði að beiðni málsaðila að málið skuli tekið fyrir að baki luktum dyrum. Formaður kærunefndar getur því aðeins tekið þá ákvörðun að fyrir því séu mikilvægar ástæður hvers vegna óæskilegt sé að almenningur hafi aðgang að dómfundi. Þeirri ákvörðun verður ekki áfrýjað.
10.4 Kærunefndin getur, að beiðni málsaðila, yfirheyrt eitt eða fleiri vitni og/eða sérfræðinga.
10.5 Sé um flýtimeðferð að ræða, eins og lýst er í 7. grein, gilda engin frekari tímabil og hægt er að afgreiða í símtali beiðni eins og þá sem vísað er til í fyrri málsgrein.
10.6 Fari svo að hvorugur málsaðili fari fram á munnlegar umræður um kvörtunina, getur formaður kærunefndar ákveðið að kærunefnd geti tekið málið til meðferðar án þess að haldinn sé sérstakur dómfundur.

FRESTUR TIL AÐ KVEÐA UPP ÚRSKURÐ
11. grein
11.1 Þegar kvörtun hefur fengið meðferð, annað hvort á dómfundi eða utan hans, gefur kærunefnd út úrskurð sinn innan fjögurra vikna. Kærunefndin tilgreinir þetta tímabil á dómfundi. Ef kringumstæður valda því að þetta tímabil verði lengra en svo skal málsaðilum tilkynnt það.
11.2 Sé um flýtimeðferð að ræða, eins og lýst er í 7. grein, á þetta tímabil ekki að verða lengra en tvær vikur.

ÚRSKURÐUR
12. grein
12.1 Kærunefndin getur fellt eftirfarandi úrskurði:
 kvörtun er vísað frá,
 kvörtun er lýst algjörlega órökstudd,
 kvörtun er greinilega að hluta til lögmæt og úrskurður er kveðinn upp um þann hluta,
 kvörtun er lýst lögmæt og úrskurður kveðinn upp.
12.2 Sé kvörtun álitin (að hluta til) lögmæt getur kærunefndin gripið til refsiaðgerða af einhverju tagi, eins og þeim er lýst í 13. grein verklagslýsinga þessara.
12.3 Sé kvörtun álitin (að hluta til) lögmæt skal koma fram í rökstuddum úrskurði hvaða ákvæði félagslaga og/eða verklagsreglna, eitt eða fleiri, hafa ekki verið uppfyllt.
12.4 Sé kvörtun álitin (að hluta til) lögmæt gætu úrskurður falið í sér leiðbeiningar um hvernig varnaraðili gæti staðið að flokkun hljóð- og myndefnis.
12.5 Ritari sendir málsaðilum úrskurðinn þar sem fram kemur að sá þeirra sem úrskurður kærunefndar gekk gegn, að hluta til eða að öllu leyti, geti lagt fram skriflega áfrýjun til áfrýjunarnefndar innan fjögurra vikna.

REFSIAÐGERÐIR
13. grein
13.1 Sé kvörtun álitin (að hluta til) lögmæt er hægt að grípa til einnar eða fleiri eftirtalinna refsiaðgerða gegn varnaraðila:
a. skipun um að (endur)flokka hljóð- og myndefnið innan ákveðins tíma, sem kærunefnd tilgreinir, og að grípa til allra nauðsynlegra aðgerða í tengslum við fengna niðurstöðu,
b. viðvörunaraðgerðir,
c. sekt eða fangelsi allt að 6 mánuðum,
d. sé um mörg og meðvituð brot á ákvæðum félagslaga og/eða verklagsreglna getur kærunefndin lagt til að viðeigandi sviðssamtök ógildi aðild málsaðilans að þeim um stundarsakir eða reki viðkomandi málsaðila úr samtökunum,
e. að birta úrskurðinn opinberlega með tilkynningu til allra þriðju aðila sem eiga hagsmuna að gæta að mati kærunefndar, sé kærunefnd þeirrar skoðunar að kringumstæður málsins réttlæti þannig birtingu.
13.2 Við mat á því hvort gripið skuli til refsiaðgerða og þá hverra skal kærunefndin taka tillit til allra kringumstæðna sem skipta máli, þar með talið hve alvarlegt brotið er, viðbrögð eða skortur á þeim, að hve miklu leyti hægt er að saka varnaraðila um brotið og viðbrögð eða skort á þeim og hvernig kom til þeirra kringumstæða sem orsökuðu brotið eða viðbrögð eða skort á þeim. Kærunefndin tekur sömu ákvarðanir í sambærilegum málum hvað þetta varðar.
13.3 Kærunefndin getur mælt svo fyrir um í úrskurði sínum að hægt sé að grípa til refsiaðgerða um stundarsakir (eða hluta þeirra).
13.4 Kærunefndin getur mælt svo fyrir um í úrskurði sínum að hægt sé að beita sektum sem hluta refsiaðgerða.

STJÓRNUNARLEG MEÐFERÐ ÚRSKURÐAR
14. grein
14.1 Greiða þarf sekt, eins og vísað er til í 13. grein, 1. lið, innan 30 daga frá útgáfu reiknings sem sendur er varnaraðila í sérstöku bréfi, ekki með úrskurði kærunefndar heldur af hálfu stofnunarinnar. Krafist verður lögbundinna vaxta á sektargreiðsluna fyrir hvern dag sem líður fram yfir þetta 30 daga tímabil.
14.2 Það fé sem þannig safnast verður notað í þágu SMÁÍS.
14.3 Úrskurðurinn er gerður opinberlega og verður opinber. Ef það er talið eiga við getur SMÁÍS tekið þá ákvörðun að hafa úrskurðinn ónafngreindan.
14.4 Barnaverndarstofu skal sent afrit af öllum úrskurðum.
14.5 Stjórn SMÁÍS og þeim nefndum SMÁÍS sem málið varða skal sent afrit af öllum úrskurðum.
14.6 Ónafngreind útgáfa af úrskurðinum skal birt á vefsetri SMÁÍS.
14.7 Stofnunin hefur eftirlit með því að refsiaðgerðum sé framfylgt. Sé þeim ekki framfylgt tilkynnir stofnunin það skriflega stjórn SMÁÍS.

ÁFRÝJUNARFERLI
15. grein
15.1 Þeir málsaðilar sem úrskurður kærunefndar gengur gegn, að hluta til eða að öllu leyti, geta áfrýjað úrskurðinum til áfrýjunarnefndar í samræmi við ákvæði þau sem frá verður greint hér að neðan.
15.2 Áfrýji málsaðili/aðilar til áfrýjunarnefndar í samræmi við 1. málsgrein leiðir það til þess að því er slegið á frest að framfylgja úrskurði kærunefndar, nema kærunefnd lýsi því yfir að hægt sé að fylgja úrskurðinum eftir til bráðabirgða, hvort sem það er að beiðni eins málsaðilans eða ekki, að því marki sem það er að hennar mati eðlileg og mikilvægt.

FRESTUR TIL AÐ ÁFRÝJA
16. grein
16.1 Leggja þarf fram skriflega tilkynningu til ritara áfrýjunarnefndar um áfrýjun innan fjögurra vikna frá úrskurði kærunefndar. Ekki er til neitt staðlað eyðublað þar að lútandi.
16.2 Í tilkynningu um áfrýjun þarf að tilgreina ástæður þess að úrskurðinum er áfrýjað.

FRESTUR TIL AÐ LEGGJA FRAM VARNARGÖGN
17. grein
17.1 Frá því að varnaraðila hefur verið send tilkynning um áfrýjunina, hefur viðkomandi fjórar vikur til þess að leggja fram skriflega varnaryfirlýsingu hjá ritara áfrýjunarnefndar. Ekki er til neitt staðlað eyðublað þar að lútandi.
17.2 Fari varnaraðili þess á leit á rökstuddan hátt getur áfrýjunarnefndin lengt þetta tímabil, eða stytt það á grundvelli rökstuddrar beiðni frá kröfuhafa ef mikið liggur við. Áfrýjunarnefndin skal útskýra ákvörðun sína um að lengja eða stytta tímabilið. Ritari skal senda kröfuhafa yfirlýsingu varnaraðila eins fljótt og auðið er.

ÁKVÖRÐUN
18. grein
18.1 Áfrýjunarnefndin getur bæði snúið við úrskurði kærunefndar eða staðfest hann, að öllu leyti eða hluta til, eða vísað málinu á ný til kærunefndar til nýs úrskurðar í ljósi þess sem áfrýjunarnefndin hefur komist að eins og kemur fram í ákvörðun hennar. Þeim úrskurði kærunefndar er svo einnig hægt að áfrýja.
18.2 Áfrýjunarnefndin getur, þegar það á við, skorið úr um málið sjálf, annað hvort á grundvelli viðbótarröksemda eða ekki. Sé sú leið valin er ekki um frekari áfrýjun málsins að ræða.

VIÐBÆTUR VIÐ VERKLAGSREGLUR UM KVARTANIR
19. grein
19.1 Stjórnin hefur alltaf leyfi til þess að breyta verklagsreglum um kvartanir.
19.2 Verklagsreglur þessar mega hvorki vera andsnúnar lögum, félagslögum, almennum samþykktum né viðeigandi verklagsreglum.

VIÐBÓTARÁKVÆÐI
20. grein
6., 9., 10. og 11. grein, 1. liður á sama hátt við um áfrýjunarnefndina.

Eftirfarandi verklagsreglur fyrir kvikmyndahús voru samdar af kvikmyndahúsasviðinu til þess að kveða nánar á um eftirlit með þeim almennu reglum sem almennu samþykktirnar innihalda auk framkvæmdar þeirra.
Samþykkt af aðalstjórn SMÁÍS 1. júlí 2006.

SKILGREININGAR
Eftirfarandi skilgreiningar eiga við í þessum reglum:

Hljóð- og myndefni
Kvikmyndir (afritaðar á myndmiðlunarbúnað), dagskrárþættir og vörur sem eru myndskeið úr fyrrgreindu efni, til dæmis sýnishorn, auglýsingar og kynningarefni.

Kvikmyndahúseigandi
Persóna eða lögpersóna sem rekur kvikmyndahús.

Flokkun
Árangur flokkunar þar sem efnið er flokkað fyrir ákveðna aldurshópa og, ef við á, í eina eða fleiri efnisflokkanir þar sem skilgreint er það innihald hljóð- og myndefnisins sem gæti reynst skaðlegt.

Flokkunareyðublað
Röð spurninga um innihald hljóð- og myndefnisins.

Flokkunarlykill
Niðurstöður eftir að flokkunareyðublaðið hefur verið fyllt út. Á þeim grundvelli er efnið svo flokkað með tilliti til aldurshópa.

Flokkunarkerfi
Flokkunareyðublaðið og flokkunarlykillinn í sameiningu.

Flokkun
Það að beita flokkunarkerfinu á hljóð- og myndefni.

Auglýsing
Hljóð- og myndræn auglýsingaskilaboð þar sem hljóð- og myndefni er auglýst

Kvikmyndadreifandi
Persóna eða lögpersóna sem ber ábyrgð á leigu og dreifingu kvikmynda, sýnishorna og auglýsinga í útgáfuskyni.

Kvikmynd
Verk sem byggt er upp af samhangandi röð upptekinna kvikmyndaskeiða.

Aðalvaran
Hljóð- og myndefni sem sýnishorn, auglýsing eða kynningarefni hefur verið unnið upp úr.

Innihaldsflokkun
Sá flokkur sem varan lendir í að aflokinni flokkun á hljóð- og myndefni, þar sem tilgreind er sú skaðsemi sem ungu fólki gæti mögulega stafað af innihaldinu og gefin er til kynna með ákveðnu tákni í fastri röð sem hér segir: – ,ofbeldi' (táknmynd: hnefi), ,ótti’ (táknmynd: könguló), ,kynlíf’ (táknmynd: karl og konu merki), ,gróft orðbragð’ (táknmynd: tal merki með stöfunum @, * og !), ,mismunun' (táknmynd: hópur fólks og einn með öðrum lit) og ,misnotkun vímuefna og/eða áfengis’ (táknmynd: sprauta).

Kvikmyndaskoðun
Nafn flokkunarkerfisins með viðeigandi PEGI táknmyndum sem notaðar eru til að gefa upplýsingar um möguleg skaðleg áhrif hljóð- og myndefnis á ungt fólk.

Aldursflokkun
Aldursflokkun að aflokinni flokkun á hljóð- og myndefni, þar sem tilgreind er sú skaðsemi sem ungu fólki gæti mögulega stafað af innihaldinu og gefin er til kynna með aldurstáknmynd sem hér segir: ,ekki skaðleg/leyfð öllum aldurshópum' (táknmynd: L), ,ekki mælt með fyrir börn undir 7 ára aldri’ (táknmynd: 67, ,ekki mælt með fyrir börn undir 12 ára aldri’ (táknmynd: 12) og , ekki mælt með fyrir börn undir 14 ára aldri’ (táknmynd: 14), ekki mælt með fyrir börn undir 16 ára aldri’ (táknmynd: 16) ,ekki mælt með fyrir börn undir 18 ára aldri’ (táknmynd: 18).

SMÁÍS
Samtök Myndrétthafa á Íslandi

Útgáfa
Að gefa út opinberlega hljóð- og myndefni í víðtækustu merkingu þess orðs (12. grein laga um höfundarrétt), þar með talin dreifing þess efnis.

Táknmynd
Kvikmyndaskoðun og PEGI lógóin sem sýnir flokkun á grundvelli aldurs og samþykkis.

Sýnishorn
Frumkynning (vistuð á sjónrænan miðil) á kvikmynd á mynddiski, myndbandi eða í kvikmyndahúsi.

KVIKMYNDIR
1. grein
1.1 Allar kvikmyndir, meðfylgjandi sýnishorn og auglýsingar, sem leigðar eru út, lánaðar eða seldar með útgáfu efnisins fyrir augum, sýndar eða sendar út verða að uppfylla skilyrði þessara verklagsreglna.
1.2 Verklagsreglur þessar ná ekki til kvikmynda sem eingöngu eru fluttar till til þess eins að nota á kvikmyndahátíðum eða í kvikmyndasöfnum.

ÁBYRGÐ OG SKYLDUR DREIFENDA KVIKMYNDA

FORM OG INNIHALD
2. grein
Dreifandi kvikmynda ber ábyrgð á bæði formi og innihaldi kvikmynda sinna, sýnishorna og auglýsinga.

SÝNISHORN
3. grein
3.1 Flokka þarf sýnishornið sjálfstætt.
3.2 Aldursflokkun sýnishorns má ekki vera hærri en aldursflokkun myndarinnar sem á undan eða eftir fer.
3.3 Dreifandi kvikmynda sér til þess að flokkun sýnishornsins sé kynnt fyrirtækinu sem gefur sýnishornið út.

AUGLÝSINGAR
4. grein
4.1 Flokka þarf auglýsinguna sjálfstætt.
4.2 Dreifandi kvikmynda sér til þess að flokkun auglýsingarinnar sé kynnt fyrirtækinu sem gefur sýnishornið út.
4.3 Í auglýsingunni á flokkun aðalmyndarinnar alltaf að koma fram.
4.4 Dreifandi kvikmynda sér til þess að táknmyndirnar séu sýndar í auglýsingunni á þann hátt sem lýst er hér að neðan:
 Fjöldi sekúndna: 3
 stærð: sama stærð og lógó stöðvar
 hvar: helst efst til hægri
 hvenær: engar leiðbeiningar
ÁBYRGÐ OG SKYLDUR EIGANDA KVIKMYNDAHÚSS

SÝNISHORN
5. grein
Eigandi kvikmyndahúss sér til þess að aldursflokkun sýnishorns sé ekki hærri en aldursflokkun myndarinnar sem á undan eða eftir fer.

LEIÐBEININGAR FYRIR STARFSLIÐ Í KVIKMYNDAHÚSI
6. grein
6.1 Eigandi kvikmyndahúss sér til þess að starfsfólkið þekki til Kvikmyndaskoðun og PEGI.
6.2 Eigandi kvikmyndahúss þarf að hafa nægilega vitneskju um Kvikmyndaskoðun og PEGI, eins og lýst er af SMÁÍS, svo hægt sé að miðla henni til sýningargesta, sé farið fram á það.

VIÐBÆTUR VIÐ VERKLAGSREGLURNAR
7. grein
7.1 Hægt er að senda skriflegar tillögur til stjórnarinnar um breytingar á verklagsreglum þessum. Stjórnin ákveður hvort hún samþykkir breytingarnar innan þriggja mánaða frá því að tillagan var lögð fram.
7.2 Verklagsreglur þessar mega hvorki vera andsnúnar lögum, félagslögum né almennu samþykktunum.

Eftirfarandi verklagsreglur fyrir sjónvarp voru samdar af sjónvarpssviðinu til þess að kveða nánar á um eftirlit með þeim almennu reglum sem almennu samþykktirnar innihalda auk framkvæmdar þeirra.
Samþykkt af aðalstjórn SMÁÍS 18. júlí 2006.

SKILGREININGAR
Eftirfarandi skilgreiningar eiga við í þessum reglum:

Hljóð- og myndefni
Kvikmyndir (afritaðar á myndmiðlunarbúnað), dagskrárþættir og vörur sem eru myndskeið úr fyrrgreindu efni, til dæmis sýnishorn, auglýsingar og kynningarefni.

Mat
Það að meta möguleg skaðleg áhrif hljóð- og myndefnis á ungt fólk, að teknu tilliti til Kvikmyndaskoðun, án þess að tilgreina sérstaka flokkun.

Flokkun
Árangur flokkunar þar sem efnið er flokkað fyrir ákveðna aldurshópa og, ef við á, í eina eða fleiri efnisflokkanir þar sem skilgreint er það innihald hljóð- og myndefnisins sem gæti reynst skaðlegt.

Flokkunareyðublað
Röð spurninga um innihald hljóð- og myndefnisins.

Flokkunarlykill
Niðurstöður eftir að flokkunareyðublaðið hefur verið fyllt út. Á þeim grundvelli er efnið svo flokkað með tilliti til aldurshópa.

Flokkunarkerfi
Flokkunareyðublaðið og flokkunarlykillinn í sameiningu.

Flokkun
Það að beita flokkunarkerfinu á hljóð- og myndefni.

Auglýsing
Hljóð- og myndræn auglýsingaskilaboð þar sem hljóð- og myndefni er auglýst.

Aðalvaran
Hljóð- og myndefni sem sýnishorn, auglýsing eða kynningarefni hefur verið unnið upp úr. Aðalvaran er alltaf dagskrárþáttur.

Innihaldsflokkun
Sá flokkur sem varan lendir í að aflokinni flokkun á hljóð- og myndefni, þar sem tilgreind er sú skaðsemi sem ungu fólki gæti mögulega stafað af innihaldinu og gefin er til kynna með ákveðnu tákni í fastri röð sem hér segir: – ,ofbeldi' (táknmynd: hnefi), ,ótti’ (táknmynd: könguló), ,kynlíf’ (táknmynd: karl og konu merki), ,gróft orðbragð’ (táknmynd: talmerki með @, * og ! stöfum), ,mismunun' (táknmynd: hópur fólks og einn með öðrum lit) og ,misnotkun vímuefna og/eða áfengis’ (táknmynd: sprauta).

Kvikmyndaskoðun
Nafn flokkunarkerfisins með viðeigandi táknmyndum frá PEGI sem notaðar eru til að gefa upplýsingar um möguleg skaðleg áhrif hljóð- og myndefnis á ungt fólk.

Aldursflokkun
Aldursflokkun að aflokinni flokkun á hljóð- og myndefni, þar sem tilgreind er sú skaðsemi sem ungu fólki gæti mögulega stafað af innihaldinu og gefin er til kynna með aldurstáknmynd sem hér segir: ,ekki skaðleg/leyfð öllum aldurshópum' (táknmynd: L), ,ekki mælt með fyrir börn undir 7 ára aldri’ (táknmynd: 7), ,ekki mælt með fyrir börn undir 12 ára aldri’ (táknmynd: 12) , ekki mælt með fyrir börn undir 14 ára aldri’ (táknmynd: 14), ekki mælt með fyrir börn undir 16 ára aldri’ (táknmynd: 16) og , ekki mælt með fyrir börn undir 18 ára aldri’ (táknmynd: 18)..

Bein útsending
Dagskrárþáttur sem sendur er út beint án þess að neitt efni sé tekið upp fyrir fram.

Fréttir og fréttaskýringaþættir
Dagskrárefni sem inniheldur (að mestu) daglegar fréttir og fréttaskýringaþætti þar sem fjallað er um ýmis málefni sem hafa fréttagildi og/eða eru til skýringar þeim.

Sjónvarpsfyrirtæki
Fyrirtæki sem sendir út dagskrárefni eins og lýst er í 1. grein lið t (opinber sjónvarpsfyrirtæki) og 1. grein lið x (sjónvarpsfyrirtæki í einkaeigu) í lögum um fjölmiðla.

Fastákveðinn stigalisti
Stytt flokkunarkerfi sem nota má til að skilgreina flokkun.

Táknmynd
Kvikmyndaskoðun og PEGI lógóin sem sýnir flokkun á grundvelli aldurs og samþykkis.

Dagskrá fyrir sérstakt sjónvarpsfyrirtæki
Dagskrá sem er send út rugluð og ætluð er ákveðnum hluta almennings, það er þeirra sem gert hafa samning um móttöku dagskrár við sjónvarpsfyrirtækið og sem varðar viðeigandi dagskrá eins og skilgreint er í 1. grein lið l í lögum um fjölmiðla.

Dagskrá
Rafræn afurð með hljóð- og myndefni sem ætluð er til útsendingar og sem allur almenningur eða hluti hans getur séð, þó að undantekinni tölvuþjónustu, þjónustu sem aðeins er í boði samkvæmt persónulegri beiðni eða annarri gagnvirkri þjónustu.

Dagskrárþáttur
Skýrt skilgreindur og skilgreinanlegur hluti dagskrárefnis.

Kynningarefni
Kynning í sjónvarpi á dagskrárþætti sem viðkomandi sjónvarpsfyrirtæki sendir út sjálft.

Seinkuð bein útsending
Dagskrárþáttur sem tekinn er upp beint og síðan sendur út með nokkurri seinkun.

Þáttaraðir
Tölubundin röð dagskrárþátta sem eru samtengdir og bera sama heiti.

Textasjónvarpsefni
Sjónvarpsefni, eingöngu með kyrrum skjámyndum, sem notandi getur nálgast í þeirri röð sem viðkomandi hentar best og á hvaða tíma sem er, og sem sent er út á sama tíðnisviði eða sömu rás og notuð er til að senda út annað dagskrárefni eða stillimynd.

Myndband
Mynd sem almennt séð tekur ekki lengri tíma en tíu mínútur í sýningu, byggist á eða er tengd einni eða fleiri útgáfum af tónlistarefni frá sviðslistamönnum og jafngildir því sem almennt er kallað ,lag' þegar um hljóðupptöku er að ræða.

DAGSKRÁ
1. grein
Dagskrá sjónvarpsfyrirtækis verður að uppfylla skilyrði þessara verklagsreglna.

ÁBYRGÐ SJÓNVARPS/ÚTVAPSFYRIRTÆKIS
2. grein
Sjónvarpsfyrirtækið skilgreinir form og innihald dagskrárefnis síns og ber ábyrgð á því sem sent er út á útsendingartíma.

ÚTSENDINGARTÍMAR
3. grein
3.1 Sjónvarpsfyrirtækið sendir ekki út dagskrárþætti sem flokkaðir eru sem ,ekki mælt með fyrir börn undir 12 ára aldri’ fyrir kl. 20.00 og ekki dagskrárþætti sem flokkaðir eru sem ,ekki mælt með fyrir börn undir 16 ára aldri’ fyrir kl. 22.00.
3.2 Þessir sendingartímar eiga ekki við um dagskrárþætti í sérstöku sjónvarpsefni, að því tilskildu að eftirfarandi skilyrðum sé fullnægt:
a. að efnið sé útbúið sérstökum tæknilegum möguleika til eftirlits fyrir foreldra (að jafnaði leyninúmer) sem hægt er að nota til þess að loka fyrir dagskrárþáttinn hvenær sem er,
b. fyrir kl. 20.00 má ekki efni sem ætlað er öllum, ,ekki skaðlegt/leyfð öllum aldurshópum' eða ,ekki mælt með fyrir börn undir 6 ára aldri’ ekki vera strax á undan eða beint á eftir efni sem flokkað er sem ,ekki mælt með fyrir börn undir 12 ára aldri’ eða ,ekki mælt með fyrir börn undir 16 ára aldri’ og efni sem sýnt er fyrir kl. 22.00 og ætlað er öllum má ekki vera strax á undan eða beint á eftir efni sem flokkað er sem ,ekki mælt með fyrir börn undir 16 ára aldri’. Hafa þarf að minnsta kosti 10 mínútna hlé þar á milli.

MAT
4. grein
4.1 Sjónvarpsfyrirtækið hefur leyfi til þess að meta sjálft dagskrárþætti sína hvað varðar möguleg skaðleg áhrif á ungt fólk, með hliðsjón af Kvikmyndaskoðun eða með því að nýta sér fastákveðna stigalistann.
4.2 Ef sú prófun leiðir í ljós að dagskrárþættir eru ekki taldir vera skaðlegir fólki á hvaða aldri sem er, þarf sjónvarpsfyrirtækið ekki, þrátt fyrir það sem kemur fram í 1. grein, lið 1 í almennu samþykktunum, að flokka dagskrárþætti.
4.3 Þeir dagskrárþættir, sem í ljós koma í samræmi við næstu málsgrein á undan að eru ekki skaðlegir, flokkast sem ,ekki skaðlegir/leyfðir öllum aldurshópum' og ekki þarf að tilkynna um þá á grundvelli 12. greinar þessara verklagsreglna.

FLOKKUN
5. grein
Ef mat hefur verið gert í samræmi við fyrri grein sem leiðir til þess að sjónvarpsfyrirtækið er þeirrar skoðunar að dagskrárþátturinn gæti verið skaðlegur fólki yngri en 16 ára, ber fyrirtækinu að flokka dagskrárliðinn í samræmi við 1. grein, lið 1 í almennu samþykktunum.

FRÉTTIR OG FRÉTTASKÝRINGARÞÆTTIR
6. grein
6.1 Fréttir og fréttaskýringaþætti þarf ekki að flokka, þátt fyrir það sem fram kemur í 1. grein, lið 1 í almennu samþykktunum. Ef fréttir eða fréttaskýringarþáttur innihalda myndefni sem gæti valdið ungum áhorfendum óhug ber sjónvarpsfyrirtækinu að gefa viðvörun þar að lútandi í viðkomandi dagskrárþætti fram til kl. 22.00.
6.2 Sjónvarpsfyrirtækið ákveður sjálft hvaða myndefni gæti valdið ungum áhorfendum óhug.

SEINKUÐ BEIN ÚTSENDING
7. grein
7.1 Seinkaðar beinar útsendingar þarf ekki að flokka, þátt fyrir það sem fram kemur í 1. grein, lið 1 í almennu samþykktunum.
7.2 Þegar verið er að meta efni seinkaðrar beinar útsendingar ber sjónvarpsfyrirtækinu að taka tillit til útsendingartíma og öfugt.
7.3 Gerist það að í seinkaðri beinni útsendingu sé sýnt áður upptekið myndefni, ber sjónvarpsfyrirtækinu að meta áður upptekið myndefni útsendingarinnar og aldursflokka það í samræmi við hæstu aldursflokkun þess myndefnis sem fyrir er.

MYNDBÖND
8. grein
8.1 Myndbönd þarf ekki að flokka, þátt fyrir það sem fram kemur í 1. grein, lið 1 í almennu samþykktunum.
8.2 Sjónvarpsfyrirtækinu ber að meta myndbandið í samræmi við 4. grein, 1. lið í þessum verklagsreglum með það fyrir augum að skilgreina á hvaða tíma skuli senda myndbandið út í ljósi 3. greinar, 1. liðs í þessum verklagsreglum.

ÞÁTTARAÐIR
9. grein
9.1 Þrátt fyrir það sem fram kemur í 4. og 5. grein verklagsreglna þessara má sjónvarpsfyrirtækið meta/flokka þáttaröð á grundvelli sýnishorns, þó að því tilskildu að nýtt sýnishorn sé skoðað í upphafi hverrar nýrrar árlegrar þáttaraðar.
9.2 Sjónvarpsfyrirtækið ákveður sjálft, í ljósi skilgreininga í verklagsreglum þessum, hvaða dagskrárþætti það kýs að flokka sem þáttaraðir.
9.3 Aldursflokkun (hvert ár fyrir sig) á þáttaröð í heild sinni er skilgreind á grundvelli sýnishorns þáttar eða þátta sem fékk hæsta flokkun.
9.4 Innihaldsflokkun (hvert ár fyrir sig) á þáttaröð í heild sinni er skilgreind á grundvelli sýnishorns þáttar eða þátta sem fékk hæsta aldursflokkun.
9.5 Fjöldi sýnishorna af þáttum er háð lengd þáttaraðarinnar. Meginreglan um fjölda sýnishorna er sem hér segir:
Lengd þáttaraðar Fjöldi sýnishorna Hvaða þættir eru sýnishorn
2 til 6 þættir 2 þættir nr. 1 og 2
7 til 13 þættir 3 þættir nr. 1, 2 og 3
14 til 19 þættir 4 þættir nr. 1, 2, 3 og 4
20 til 25 þættir 5 þættir nr. 1, 2, 3, 4 og 5
26 til 30 þættir 6 þættir nr. 1, 2, 3, 4, 5 og 6
Séu fleiri en 30 þættir sýndir á hverju ári eru fyrstu sex þættir af fyrstu 30 (í sömu númeraröð og fram kom hér að ofan) teknir sem sýnishorn og eftir það 2 þættir af hverjum 30, það er fyrstu tveir þættirnir af næstu 30 þáttum. Ekki þarf að flokka fleiri en 10 þætti úr hverri þáttaröð hvert ár. Sé um að ræða þáttaraðir sem ganga árum saman ber að meta þætti hvert ár fyrir sig á sama hátt og lýst var hér að ofan.
9.6 Sé ekki mögulegt að skoða sýnishorn eins og lýst er hér að ofan ber sjónvarpsfyrirtækinu að taka eins mörg sýni og hægt er og því ber skilyrðislaust að skoða 1. þátt.

KYNNINGAREFNI
10. grein
10.1 Ekki þarf að flokka kynningarefni (,afleidd myndskeið'), þrátt fyrir það sem fram kemur í 10. grein, 1. lið í almennu samþykktunum.
10.2 Sjónvarpsfyrirtækinu ber að meta kynningarefni í samræmi við 4. grein, 1. lið í verklagsreglum þessum til þess að skilgreina á hvaða tíma megi senda kynningarefnið út, í ljósi 3. greinar, 1. liðs í verklagsreglum þessum.
10.3 Kynningarefni með myndskeiði úr aðalefni sem flokkað er sem ,ekki mælt með fyrir börn undir 12 ára aldri’ eða aðalefni sem flokkað er sem ,ekki mælt með fyrir börn undir 16 ára aldri’ má aldrei senda strax á undan, samtímis eða beint á eftir dagskrárþætti sem sérstaklega er ætlaður börnum upp að 7 ára aldri. Hafa þarf að lágmarki 10 mínútna hlé, bæði á undan og eftir viðkomandi dagskrárþætti.
10.4 Í kynningu skal aldursflokkun aðalefnisins ávallt koma fram.

AUGLÝSINGAR
11. grein
11.1 Sjónvarpsfyrirtækið sendir út auglýsingar í samræmi við flokkunina.
11.2 Til viðbótar 10. grein almennu samþykktanna gildir að auglýsingar sem kynna hljóð- og myndefni með aldursflokkuninni ,ekki mælt með fyrir börn undir 12 ára aldri’ eða ,ekki mælt með fyrir börn undir 16 ára aldri’ má aldrei senda strax á undan, samtímis eða beint á eftir dagskrárþætti sem sérstaklega er ætlaður börnum upp að 7 ára aldri. Hafa þarf að lágmarki 10 mínútna hlé, bæði á undan og eftir viðkomandi dagskrárþætti.

ÁKVÆÐI UM UPPLÝSINGAR TIL NEYTENDA
12. grein
12.1 Sjónvarpsfyrirtækið sér svo um að táknmyndir séu sýndar rétt fyrir eða um leið og viðkomandi dagskrárþáttur hefst.
12.2 Sjónvarpsfyrirtækið sér svo um að táknmyndir komi fram í (rafrænu) dagskrárkynningarefni og í Textavarpi, sé það til staðar.
12.3 Sjónvarpsfyrirtækið gætir þess að fremsta megni að táknmyndir komi fram í öðru (rafrænu) dagskrárkynningarefni og í Textavarpi.
12.4 Sjónvarpsfyrirtækið gætir þess að fremsta megni að táknmyndir komi fram í dagblöðum, vikuritum og tímaritum.

NOTKUN Á TÁKNMYNDUM Í SJÓNVARPI
13. grein
Sjónvarpsfyrirtækið gætir þess að táknmyndirnar komi fram á eftirfarandi hátt:

Með dagskrárþáttum:
 Fjöldi sekúndna: 5
 stærð: sama stærð og lógó sjónvarpstöðvar
 hvar: þar sem lógó sjónvarpsstöðvar er haft eða sem kynningarspjald áður en dagskrárþátturinn hefst
 hvenær: sem kynningarspjald við upphaf dagskrárþáttarins

Með kynningarefni:
 Fjöldi sekúndna: 3
 stærð: sama stærð og lógó sjónvarpstöðvar
 hvar: engar leiðbeiningar
 hvenær: engar leiðbeiningar

VIÐBÆTUR VIÐ VERKLAGSREGLURNAR
14. grein
14.1 Hægt er að senda skriflegar tillögur til stjórnarinnar um breytingar á verklagsreglum þessum. Stjórnin ákveður hvort hún samþykkir breytingarnar innan þriggja mánaða frá því að tillagan var lögð fram.
14.2 Verklagsreglur þessar mega hvorki vera andsnúnar lögum, félagslögum né almennu samþykktunum.